Útihátíð og skólaslit

Útihátíðin var 28. maí og skólaslitin voru haldin 30.maí 

Útihátíðin gekk vel fyrir sig og lékum við á blauta rigningarveðrið og höfðum vatnsþema ef svo má segja.
Eldri krakkarnir fóru í vatnsfótbolta og kom slökkviliðið og sprautaði á þau meðan þau spiluðu. 
Yngri krakkarnir ásamt elsta árgangnum í leikskólanum fóru í vatnsbyssustríð á sparkvellinum.
Allir vel blautir en glaðir eftir daginn.

Skólaslitin voru svo haldin formleg á föstudeginum 30.maí í bíósal félagsheimilisins.

Eftir formleg skólaslit í félagsheimilinu fór 10. bekkur, foreldrar og aðrir starfsmenn sem komu að 10. bekknum í matsal skólans þar sem þeir voru kvaddir af skólastjóra og öðru starfsfólki skólans.

Starfsfólk Húnaskóla þakkar öllum nemendum og foreldrum þeirra fyrir ánægjuleg samskipti á skólaárinu og vonar að þið njótið sumarsins. Hittumst hress og endurnærð í haust.

Skólasetning verður 21. ágúst nánar auglýst síðar.